Koplo wa sketi fupi wa Kenya apanda mahakamani kutetea kazi yake

Koplo wa Kitengo cha Traffiki aliyepigwa picha akiwa amevalia sketi iliyomabana makalio amelazimika kukimbilia mahakamani kuokoa kazi yake.

Linda Okello alikimbilia Mahakamani Baada ya wakubwa wake kutaka kumchukulia hatua ya kinidhamu wakidai alikosa nidhamu ya kazi alipovalia sketi iliyoonesha umbo lake akiwa kazini. Dada huyo aliyezua mjadala kote duniani kuhusu wanawake waliojaliwa makalio makubwa na kama wanabaguliwa kutokana na maumbile yao amemshtaki Inspekta mkuu wa polisi nchini Kenya miongoni mwa tume inayosimamia polisi nchini humo.

Linda alipigwa picha akilinda usalama katika mashindano ya mbio za magari ya Kiambu na picha hiyo ikaenea sana katika mitandao ya kijamii kuhusiano na urefu wake na pia makalio na umbo lake .

Sasa koplo huyo anaitaka mahakama ifutilie mbali kesi ilyoko dhidi yake akisema,kuwa anahisi ataonewa na wakubwa wake kutokana na majaliwa yake .

Aidha koplo huyo huyo anasema kuwa japo alipewa Suruali ndefu mbili iliasiivae tena sketi hiyo yake ,Koplo anadai kuwa bosi wake hakuwahi kumkaripia kwa kuivalia na kuwa madai dhidi yake yanashinikizwa tu na watu waliovutiwa na mjadala katika mitandao ya kijamii.

Taarifa ya polisi huyo kuonywa ilizua hasira kwenye mitandao ya kijamii baadhi wakihoji ikiwa ni makosa kwa afisaa wa polisi kuvalia sketi ya kumbana.

Source:BBC