Vodacom yaja na huduma ya Zogo kwa wateja wake

KAMPUNI ya Mawasilino ya Vodacom Tanzania, imezindua huduma mpya ijulikanayo kama ‘Zogo’ ambayo itawawezesha wateja wa mtandao huo kupiga simu ndani na nje ya mtandao kwa gharama nafuu.

Mkuu wa Idara ya Masoko na Mawasiliano wa Vodacom Tanzania,Kelvin Twissa,akifafanua jambo wakati akitangaza huduma mpya ya ‘Zogo’ inayoyawezesha wateja wa mtandao wa Vodacom kupiga simu ndani na nje ya mtandao na kujipatia vifurushi kwa gharama nafuu.Ili kujiunga mteja anatakiwa kupiga *149*01#

Akizungumza juu ya uzinduzi wa huduma hiyo, Mkuu wa Idara ya Masoko na Mawasiliano Vodacom Tanzania, Kelvin Twissa amebainisha kuwa ofa ya Zogo ni maalum kwa wateja wa Vodacom ambapo sasa tutawawezesha kujipatia muda mwingi wa maongezi kupitia mtandao
wetu na kwa gharama nafuu zaidi.

“Vodacom ni kampuni inayoendeshwa kutokana na mahitaji ya wateja wake na Zogo imekuja muda muafaka ambapo wateja wetu wameomba muda zaidi wa maongezi kupitia vifurushi vyetu vya ChekaBombastiki ambavyo vinajumuisha muda wa maongezi, ujumbe
mfupi na intaneti viongezwe zaidi.”

Twissa aliendelea na kuwatoa hofu wateja wake kuwa, vifurushi vya ChekaBombastiki vitaendelea kuwepo kama vilivyo kwa wateja wote wanaopendelea kufuruhia huduma mchanganyiko za dakika za muda wa maongezi, kutuma ujumbe mfupi, huduma za intaneti
pamoja na kupiga simu kwenda mitandao yote nchini.

Baadhi ya waandishi wa habari wakiwa kwenye uzinduzi wa huduma mpya ya’Zogo’ ambayo itawawezesha wateja wa mtandao wa Vodacom kupiga simu ndani na nje ya mtandao na kujipatia vifurushi kwa gharama nafuu.Ili kujiunga mteja anatakiwa kupiga *149*01#.

“Ofa ya huduma ya Zogo inapatikana kwa wateja wa ndani ya mtandao wa Vodacom na inaunafuu mkubwa zaidi ukilinganisha na vifurushi vya ChekaBombastiki. Ofa hii inampatia mteja dakika 30 za muda wa maongezi kwa Sh. 495 tu ndani ya masaa 24, wakati Sh. 645 na 995 zinawapatia wateja dakika 45 na 90 za muda wa maongezi kila moja”alisema Twissa.

Twissa amemalizia kwa kusema kuwa vifurushi vya Zogo vinapatikana kwa wateja wote wa Vodacom wa malipo ya kabla na baada waliopo nchi nzima. Ili kupata na kufaidi huduma hiyo wateja wanatakiwa kupiga *149*01# na kisha kuchagua Zogo, halafu vifurushi
wanavyovipenda zaidi na kufurahia siku nzima.

Ofa hii imekuja ikiwa hazijapita siku chache tangu kampuni ya Vodacom ifanye mapinduzi kwa kuzindua huduma nyingine nafuu ya matumizi ya intaneti ya ‘Uhuru wa Kweli’ kwa wateja wake wote. Huduma hiyo inawapatia fursa wateja kufurahia huduma za
intaneti kulingana na matumizi yao ya siku, wiki ama mwezi.